Занятие в средней группе

Занятие по развитию речи . Чтение художественной литературы. "Пси-пси псайди ". Автор Пакизат Фатуллаева.

Воспитатель Меликова Б. Р.

Цель — формирование интереса к восприятию книг, становление культурной, всесторонне развитой личности.

Пси-Пси псайди,

Псид к1вале ксайди,

Пси к1валяй фейила,

Псидин к1вал ат1айди,

Хъуьтуьл-хъуьтуьл месерни

Хъуьцуьганар тухвайди.

Вуж я иниз атайди,

Псидин к1вал ат1айди?

Пси к1вале авачиз,

Адан к1вале ксайди?

Ахпа хъуьтуьл месерни

Хъуьцуьганар тухвайди?

К1ек ят1а гьа кьурук квай,

Яру жигъа-чуру квай,

Псидин к1вал ат1айди,

Адан месер тухвайди?

- Ту-уш! - гьарайна кьурукай

К1екре, яру чуру квай, -

Зун туш месер тухвайди,

Псидин к1вал ат1айди!

Зазни ц1ару лулудиз

Вахт авай туш ксудай,

Чун ксайт1а, циц1ибар

Чинеругди тухуда!

Бес вуж хьурай атайди,

Псидин к1вал ат1айди,

Хъуьтуьл-хъуьтуьл месерни

Хъуьцуьганар тухвайди?

Белки угъри - бац1и я?

Крчар гьеле биц1и я,

Вич лагьайт1а - чамарда

Циц1релайни циц1и я.

Гагь аквада цлал ам.

Гагь акьахда къавал ам,

Са геренда ацукьдач

Диде-ц1егьрен къвалал ам.

Бац1и ят1 атайди,

Псидин мес тухвайди?

- Ту-уш! - гьарайна пурпуда, -

Куьз куьне ак1 лугьуда?

И зун хьтин зирекдаз

Хъуьтуьл месер герекдач.

Бац1и я зун уюнбаз

К1андач ерли ксун заз,

Къацу-къацу т1уларал,

Тепейрални ч1урарал

Рагъ элцифна къецел къе,

Вуж ксуда месел къе?

Зун туш, зун туш атайди,

Псид к1вале ксайди,

Адан хъуьтуьл месерни

Хъуьцуьганар тухвайди.

Бес вуж хьурай атайди,

Псид к1вале ксайди,

Хъуьтуьл-хъуьтуьл месерни

Хъуьцуьганар тухвайди?

Белки ят1а керекул,

Тарай тараз атана,

Псид к1вале ксана,

Хъуьтуьл месер тухвайди

Псидин к1вал ат1ана?

Гьарайна къвал лацуда:

- За авайвал лугьуда,

Чуьнуьхун зи хесет я,

Зи муг халис себет я,

Ац1анва ам кк1алрай,

Гуьзгуьйрайни чкалрай.

Псид к1вал за ат1ай туш,

Адан месер тухвай туш.

Зав гва вири хабарар,

Керчекарни тапарар,

Заз акуна атайди,

Псидин к1вал ат1айди!

Вуж я, вуж я атайди,

Псид к1вале ксайди,

Ахпа хъуьтуьл месерни

Хъуьцуьганар тухвайди?

- Магъарада авайди!

Магъарада авайди?

Сик1 я жеди атайди,

Псидин мес тухвайди!

- Ваъ, ваъ, сик1 туш! - лагьана,

Чуьнуьх-гумбат1 рахана

Чидай вири хабарар,

Керчекарни тапарар, -

Псидин мес тухвана

Магъарадай атайда,

Харар хьтин вилерни

Кьал хьтин тум авайда!